Ku dauko App dinmu domin samun wasu labaran masu nishadantarwa.
SARKIN SARAKAI
Littafi Na Daya (1)
Part A.
.
Marubucin littafin
Abdul Aziz Sani M/Gini
AA Misau Ke Magana
.
Labari ya isowa AA Misau Cewa..
.
A WANI ZAMANI can baya mai tsawo da ya shude anyi wani mashahurin sarki a birnin misra mai suna SAHIBUL HAIRI
Shidai wannan sarki ba a tabayin talakan sarki ba kamarsa a duniya saboda yawan kyautarsa da taimakon talakawa
akarshe da talauci ya isheshi sai ya shirya ya tafi wajen wani boka AWANI DAJI WAI shi HAZARIL DALFUR
a yammacin misra Daga cikin birnin misra zuwa wurin wannan boka tafiya ce ta s'a biyu kacal sarki Sahibul hairi
bai tafi wannan daji ba sai da dare ya raba kuma saida ya saci jiki yayi bad da kama ya tafi a kasa ba tare da ya hau doki ba ko rakumi
Bayan tafiyar sa'a biyu ne dai dai ya iso kofar gidan boka HADIMUL ASUR
Wanda aka ginashi da zallan itatuwa bisa kan wani godon dutse faffada mai tsawon gaske
lokacin da sarki Sahibul hairi yazo gaban dutsen sai ya tsaya yana tunanin hanyar da zaibi ya hau kan dutsen ba zato ba tsammani sai yaga boka Hadimul Asur ya bayyana a gabansa yana mai murmushi
hadimul asur yayi sujjada ga sarki Sahibul hairi yace Lale marhaban da SARKIN SARAKAI na duniya baki daya kaine sarkin da zaiyi arziki da daukakar da ba a taba yin kamar su ba nan gaba idan har ka sami nasarar samo abubuwan da zan gaya maka yanzu
muje zuwa cikin turakata domin mu zanta a tsanake kafin sarki sahibul hairi yace wani abu tuni boka Hadimun Asur ya dafa kafadarsa take suka bace bat sai gashi sun
bayyana a cikin turakar boka hadimul asur Wadda akayi mata ado da fatun manyan dabbobin dawa da kwarangwal din kawunansu
nan take hadimul asur ya yiwa sarki nuni da wata shimfida mai taushi shi kuwa sai yaje ya zauna a kai zamansa keda wuya saiga wata zabgegiyar budurwa ta fito daga cikin
wani daki dauke da tambulan na ruwan inibi da kofin zinare a hannu
tun da sarki sahibul hairi yazo duniya bai taba ganin budurwa mai kuruciya da kyau kamarta ba duk da cewa sarki sahibul hairi yayi alkawarin cewa ba zai taba yin aure ba saida yaji yayi sha awar wannan budurwa
budurwar tazo gaban sarki ta tsugunna sannan ta zuba ruwan inibi a cikin kofin zinare ta mikawa sarki ya karba kofin yana mai kura mata ido da murmushi
ita kuwa saita sunkuyar da kanta ta fice daga cikin turakar fitarta keda wuya sai sarki ya bude baki da nufin yayi magana amma sai boka hadimul asur yai masa nuni da yayi shiru
yace dashi wannan 'yata ce ita kadai gareni a duniya kuma babu abinda na ke so sama da ita ka bar batunta yanzu zamuyi shi nan gaba
ya kai wannan sarki mai daraja kayi sani cewa tuni na san abindake tafe dakai kuma kamar yadda na gaya maka cewa bukata zata biya idan harka sami nasarar samo abinda na umarceka da samowa
Sa'adda boka hadimul asur yazo nan a zancensa sai sarki ya dubeshi cikin kokwanto da mamaki yace yakai wannan boka hakika nayi mamakin jin yadda kake bayani tamkar kasan sirrin xuciyata
amma duk da haka ina so ka fada mini ainihin bukatar da nazo da ita gareka domin na kara samun natsuwa dakai
koda jin wannan batu sai boka hadimul Asur ya tuntsure da dariya sannan yace yakai wannan sarki na gani cewa kwanaki bakwai da suka shude
sarakai bakwai sun aiko maka da wasika A cikin wasikar sunyi bayanin cewa tunda ka zamo almajiri zasu rinka taimaka da sadaka domin kada ka dinga zubar da kimar sarakai a duniya kuma sunyi maka gorin baka da lafiya tunda baka da aure
lokacin da ka sami wannan sako saibakin ciki ya turnuke ka har ka shiga cikin turakarka kayita shara kuka a boye ba wanda ya sani bayan kayi kukanka ka gaji ne kayi rantsuwa da girman karagar mulkinka cewa
saikafi dukkan sarakunan duniya mulki dukiya da mata to ka sani cewa idan har kana so ka sami wannan matsayi dolene ka nemo wadansu 'yan mata guda uku ka aura mace ta farko utace 'ya ga wata mace wadda duk duniya babu mai iliminta yanzu ita dai wannan mata tana jin yare guda dari ba daya haka kuma ta kasance malama a cikin addinai guda dari ba daya shekarunta dari ba daya cif-cif kuma ta boye kanta tare da 'yarta a inda babu wanda ya sani a halin yanzu in banda wannan 'ya tata duk duniya babu mai iliminta
mace ta biyu babu wanda yafi mahaifinta yawo a duniya mahaifinta bai mutuba saida ya ziyarci kasashe dari tara da casa'in da tara inda ya cika dubu da ya sami matsayin da kake son samu yanxu 'yar wannan mutum yanzu haka ta ziyarci kasashe dari takwas da sittin a cikin shekaru bayar kacal baisa taimakon wani Aljani waishi KALBURA a matsayin abin hawanta
wannan budurwa ta lashi takobin cewa saita ziyarci kasashe dubu dan cika burin mahaifinta wanda ajali ya hanashi cikawa duk kasar data ziyarta saita debo irin kasar da aka gina gidan farko a nahiyar idan ta kammala tara kasar guda dubu shine zata sami wannan daukakar
budurwata uku itace 'yaga wani mutum wanda yafi kowa sanin tarihin sarakunan duniya da mulkinsu itama wannan budurwa mahaifinta ya mutu kuma ta gajeshi A halin ynx itace kadai tasan adadin sarakan duniya da tarihin mulkinsu tun daga farko har karshe
wannan budurwa kwakwalwarta kamar littafi yake domin tarihin a rubuce yake a kanta zata iya baka lbrn shekara dari baya......
YAKAI WANNAN SARKI kayi sani cewa idan har kana son kafi dukkanin sarakunan duniya mulki dukiya dolene ka nemo wadannan yan mata uku ka auresu
sa adda boka Hadimun Asur yazo nan a zancensa sai yayi shiru ya kurawa sarki idanuwa kawai cikin tsananin damuwa sarki Sahibul hairi yace yanzu a ina zan ga wadannan yan mata kuma waye zai iya samo minsu
boka Hadimul Asur yace tambaya ta farko tafi karfina domin banida amsarta amma tambaya ta biyu itace a halin yanzu duk duniya babu wanda zai iya samo ma wadannan yan mata face wani jarumi saurayi kuma mafarauci wanda ake kira SADAUKI AWAISU
sadauki awaisu na zaune a can nahiyar kasar Hindu a cikin wani birni da ake kira HALRALI awaisu ya kasance matsafin gaske kuma yana da wani Aljani wanda ake kira SARMUDA
aljani sarmuda ya kasance matashi mai karfin gaske kuma a cuk cikin jama ar aljanun duniya babu kamar sa a fagen karfin gudu da sauri yayin tafiya a sararin sama Aljani KALBURA ne kadai ke iya yin rabin tafiyar sa a gudu
sadauki Awaisu bazai taba yarda ya samo maka wadannan 'yan mata uku ba face ka samo masa 'yarsa guda daya wata karamar yarinya yar shekara bakwai ALFILA
WACCE aka saceta a shekaru uku da suka gabata babu irin neman da sadauki awaisu bai yiwa wannan ya tasa ba amma ya rasa inda take da yayi bincike a cikin tsafinsa sai ya gano cewa yarinyar na can hannun wani mashahurin bokan Aljanu ne a cikin wani gida dake tsakiyar tsibirin tekun BAHAR ZAILUS
sunan wannan boka SHAMZUBUL AZWAS ba komai bane yasa bokan ya sace Alfila ba sai don ya kwashe sirrikan tsafin dake jikinta guda dari tara domin shi yana da guda dari nasa da kansa idan ya hada da wannan sirrika zai zamo babu wani matsafi kamarsa a doron kasa
Shamzubul Azwas ba zai iya kwashe wadannan sirrikan tsafin ba daga jikin Alfila har sai izuwa tsawon shekara biyar A halin yanzu saura shekara biyu kawai ya kammala debe sirrikan tsafin su kuwa sirrikan tsafin ainihinsu na Sadauki awaisu ne duk duniya babu mai irinsu face shi
bayan rasuwar mahaifiyar Alfila da shekara daya sadauki awaisu ya zuba wadannan sirrikan tsafi guda dari tara a cikin jikin Alfila domin burinsa a duniya shine ta gajeshi a fagen tsafi
lokacin da sadauki awaisu ya gano inda aka boye masa 'yarsa sai yayi shiri ya hau kan aljani Sarmula suka durfafi tsuburin bahar zallus daga birnin Hindu zuwa bahar zallus tafiyace ta shekara goma sha daya akan rakumi ko doki amma cikin wata uku aljani sarmuda ya isa can
koda suka sauka a kofar gidan boka shamzubul azwas sai suka iske cewa gidan an ginashi ne da zallan bakin karfe kuma bashi da kofa ko taga wacce za a iya bi a shiga cikinta kuma koda mutun ya shiga gidan ba zai iya kashe dakarun Aljanun dake ciki ba guda dubu dari wadanda suka kasance manyan zakwakuran mayaka masutaurin kai da dakakkiyar zuciya
nan da nan sadauki awaisu da aljani sarmuda sukayi ta kokarin shiga wannan gida ta hanyar amfani da karfin sihiri da kyar suka gano wata kofa guda daya wacce akayita da karfen lu u lu u nan take suka fara kokarin bude ta da karfin tsiya domin shiga
amma sai abu ya faskara saida suka kwana uku a wajan suna saran kofar da makamai iri iri amma kofar taki buduwa
tabbas inda kofar ta bude to sai sunsami nasarar shiga gidan kuma sai sun kashe dukkan dakarun ciki sun hallaka boka shamzubul azwas sannan su dauki Yarinya alfila
Yakai wannan sarki kayi sani cewa bincike ya nuna mini cewa akwai wani gatari guda daya a duniya wanda zai iya sare wannan kofa ta gidan boka shamzubul azwas shidai wannan gatari ya kasance mai girma da nauyin tsiya domin sai karti sittin sun taru suke iya daga shi sama kuma anyi shine da zallan lu'u lu'u bincike ya nuna mini cewa kaikadaine mutumin da zai iya sarrafa wannan gatari sbd sadaukantakarka tafi ta kowa a wannan zamani
A yanzu haka wannan gatari na can a ajiye a cikin fadar sarki BARUSA na birnin ASKANDARIYYA cikin mummunan tsaro Ainihin wannan gatari na sarkin farko ne na kasar don kowanne sarki zuwa yake ya tarar dashi a matsayin abin gado kai sbd ganin darajar gatarin ma har takai cewa mutanen kasar sun camfashi a matsayin indai yana nan ajiye a cikin gidan sarautarsu to har abada ba za a cisu da yaki ba bisa wannan dalili ne kullum dare da rana aka zuba dakaru dubu uku suke gadinsa
wadannan dakaru dubu uku sun kasance karfafa mayakan kwarai wadanda ake takama dasu a birnin Askandariyya yakai wannan sarki ya zama wajibi a gareka kayi shirin yaki ka tafi izuwa birnin domin ka dakko wannan gatari na sihiri ka dawo gareni sannan na kimtsaka ka tafi izuwa fadar boka shamzubul azwas don ka dauki Alfila yar sadauki awaisu idan ka daukota saikazo da ita nan mu ajiyeta har sai yaje ya samo mana wadannan yan mata uku wadanda sune bukataka zata biya
sa adda boka hadimul Asur yazo nan a zancensa sai sarki sahibul hairi yace to yanzu idan sadauki Awaisu yazo yaga 'yarsa baka tunanin cewa zai iya karbeta da karfin tsiya ba tare da ya biya muna bukatarmu ba?
KODA jin wannan batu sai boka Hadimun asur ya tuntsure da dariya sannan yace ai kowa a gidansa sarki ne ina tabbatar maka da cewa indai kazo da Alfila cikin wannan gida nawa babu wanda ya isa ya tafi da ita face da yarda ta
da wannan kalmomi nake maka sallama dan haka sai ka tafi kayi shirin zuwa fadar sarki Barusa na birnin Askandariya don dauko gatarin sihiri zan kasance mai sauraronka a nan
kuma ina yi maka tuni da cewa shima wannan gatarin sihiri karka barshi a can fadar boka Shamzubul azwas lallai ka taho da shi nan gareni tare da yarinya Alfila
koda gama fadin wannan batu sai boka hadimul asur ya sake dafa kafadar sarki sahibul hairi nan take sarki sahibul hairi ya tsinci kansa a wajen gidan boka hadimul asur kuma a kasan dogon dutsen nan kawai sai sarki sahibul hairi ya juya ya tafi ya nufi cikin birnin misra yana mai tafiya da sauri don ya isa gida kafin fitowar Alfijir
kashe gari da sassafe sarki sahibul hairi ya tura aka kirawo masa dukkanin fadawaLabarai farko sunyi tsammanin cewa wani abu zai nema a hannunsu don haka sai wadannsu suka noke suka ki zuwa da wuri suna karyar fadin cewa suna nan tafe
koda ganin haka sai sarki ya fusata yace a gaya musu cewa duk wanda baizo ba a yanzu a bakacin ransa koda jin haka sai yan majalisar suka rude nan da nan suka iso fadar suna masu rawar jiki bayan sun hallara sai kowa ya nutsu yayi shiru baka jin motsin komai a dakin face sautin numfashi
daga can sai sarki sahibul hairi ya mike tsaye fuskarsa a murtuke babu alamar fara a Al amarin da ya kara firgita fadawan ke nan gaba daya suka sunkuyar da kawunansu kasa don gudun fushinsa sarki yace dasu
''yaku yan majalisa kuyi sani cewa raina ya baci bisa halaiyarku ta kina da guduna sbd halin da na shiga na babu wannan ya nuna min cewa babu soyayyar gaskiya a tsakanina daku kuma kuna tsoron kada ku talauce ne shiyasa kuke guduna? To ku sani cewa daga yau bana bukatarkomai daga hannun ku kuma nayi muku Alkawari cewa ba zan sake neman komai ba a wajenku
kuyi sani cewa ba wani abu bane yasa na taraku a nan ba sai don na gaya muku cewa zan tafi yaki izuwa birnin Askandariyya domin dauko gatarin nan na sihiri wanda suka baiwa kyakkyawan tsaro zanyi amfani da wannan gatari ne don kawo karshen wannan talauci da nake famda dashi kunga kuwa idan na rabu da talauci kuma kun huta da fargabar komai
kuyi sani cewa bayan na sami wannan gatarin kuma zan wuce izuwa tsibirin zallus inda boka shamzubul azwas yake domin na dauko wata karamar yarinya wacce ya saceta shekaru uku da suka gabata wadda ta kasance yaga babban matsafi sadauki Awasisu
a kalla zan sami shekara guda kafin na kammala wannan tafiya na dawo sabo da haka yanzu ina son ku zabi wanda zai rike mini kasa daga cikinku kafin na dawo koda jin haka sai gaba dayan suka kidime suka haukace nace kowa na cewa shine zai rike kasar shikuwa sarki sahibul hairi sai yai shiru ya zuba musu idanu kawai yana nazarinsu ya fuskanci cewa gaba dayansu babu abin yarda a gareshi
yayi da sarki yaga sun kaure da gardama sai ya daka musu tsawa nan take suka kame kamar gumaka kowa ya yi tsit sarki ya kira wani barde dake can kofar shigowa dakin da suke ciki barden ya rugo da gudu ya zube kasa gabansa sarki yace da barden maza kaje dakin ajiya ka debo mini akwatunan karfe iya adadin fadawan nan nawa
barden ya mike da sauri yace an gama ranka ya dade koda ficewar barden sai cikin yan majalisar nan ya duri ruwa domin a zatonda suke shi ne sarki zaisa su a cikin akwatunan ne ya kulle domin akwatunan sn kasance darma darma baisa wannan daliline jikinsu ya kama kyarma gaba daya kamar ace kyat su fita da gudu
barden ya dinga shigowa da akwatunan daya bayan daya yana saukewa da jerawa a waje guda har saida ya gama tara guda taran koda ya gama ajiye akwatunan sai sarki ya dubi yan majalisar yace gaba dayanku ku fita su rufe kofar kuma su tsaya a bakin kofar cikin rawar jiki suka bi umarni fitarsu keda wuya sai sarki ya dauki kwagirinsa na sarauta ya saka a cikin daya daga cikin akwatunan bayan ya bame akwatun saiya yiwa yan majalisar nan izini su shigo cikin hanzari suka shigo suka tsaitsaya a jere waje guda sarki ya dubesu a natse yace
yaku yan majalisa kuyi sani cewa kwagirin sarautata na cikin daya daga cikin akwatunan nan guda tara daya bayan daya zakuzo ku zabi akwati dai dai ku budeta wanda ya dauko kwagirin sarautata shine zai rike mun kasata har na dawo daga doguwar tafiya
koda jin wannan batu sai gabadayansu hankalinsu ya dugunzuma wazirin Akiyanu ya dubi sarki sahibul hairi yace ya shugabana ni a tunanina bai kamata ayi haka ba ni da nake a matsayin wazirinka nine na dace na rike maka kasa
koda jin haka sai sarki ya yi murmushi yace na sani cewa ka dace ka wakilceni to amma fa ka sani cewa ban taba yin tafiya irin wannan ba kuma gaba dayanku babu wanda hankalina ya kwanta da shi don haka kawai sa'a naga mai rabo dole ne abi wannan tsari nawa....
KAFIN WAZIRI ya kara cewa wani abu tuni Sarki sahibul hairi ya dubi yan majalisar na farko ya umarceshi da yaje kan akwatunan ya zaba hannayensa na karkarwa sai ya tsaya ya kasa zabar akwatin da zai bude sai da sarki ya daka masa tsawa sannan yaje ya bude akwatin farko
aikuwa yana budewa sai yaga wayan babu komai ciki koda ganin haka sai kwalla ta ciko idanun dan majalisar ya fara kukan zuci don takaicin rashin samun nasara daya bayan daya suka rinka bude akwatunan har akazo kan mutum na tara shine wanda na kashe wanda ake kira AMINUL HAS
Aminul has ya kasance shine galadiman sarki kuma duk a cikin yan majalisar shine wanda baya gajiya da yiwa sarki hidima duk sa adda sarki ya aika masa da bukatar abinci ko sutura take yake aiko masa har saida takai cewa sarki sahibul hairi ya kure Aminul has ya talautar dashi duk ya siyar da kadarorinsa
wani lokacin ma idan aka turo da bukatar sarki sai yayi rance sannan ya aika wajan yaransa da suke tafiya fatauci a kawo masa kudi ya biya bashin gaba daya yan majalisar mutum takwas babu wanda ya sami nasarar dauko kwagirin sarautar kuma duk su takwas din babu wanda bai zub da hawaye ba da fargaba lokacin da ya zo bude akwatinshi
Shikuwa Aminul has cikin nutsuwa ba da fargabar komai ba ya zo ya bude akwatin ta karshe wadda ba a bude ba bisa mamaki sai shima yaga babu komai a cikin akwatin
yan majalisar suka dubi sarki sahibul hairi waziri Akiyanu yace ranka ya dade yazaka yaudaremu kace akwai kwagirinka a cikin daya daga cikin akwatunan nan alhali babu?
Koda jin haka sai sarki sahibul hairi ya bushe da dariya sannan yace hakika na yaudareku amma ba dan komai nayi hakaba sai don na gane wanda ke kaunata a tsakaninku gaba dayanku nan kun sani cewa wannan tafiya da zanyi mai hadarin gaske ce kuma na tabbata cewa duk kuna ganin cewa idan natafi ba zan dawo da raina ba don haka duk wanda ya hau kan karagata ya haukenan
gaba dayanku takwas din nan babu wanda baiyi kukan takaici ba a nan da fargabar rashin samun nasara face Galadima kuma a cikinku shi kadai ne bai gajiya da bukatata lallai yanzu na dad gamsuwa cewa Galadima masoyina neh na kwarai tunda baya harin kujerata
batun kwagirin sarautata kuwa hakika da farko na sanya shi a cikin akwatin tsakiya amma kafin ku shigo sai na sauya shawara na dauke abina sakamakon wannan hikimar da tazo cikin gaggawa koda gama fadin haka sai sarki sahibul hairi ya fiddo kwagirin sarautarsa daga cikin alkyabbarsa ya baiwa aminul has ya karba sannan yace dashi
daga yau kaine sarkin misra kafin na dawo daga tafiyata ko shakka babu zan dawo kuma na umarceka da kayi adalci a cikin harkokin mulki kamar yadda na sabayi
nan take sarki ya sallamesu gaba daya suka tafi cikin bakin ciki galadima ne kadai ya zamo a cikin dumbin farin ciki mara misaltuwa domin dama yana da wani babban buri a zuciyarsa wanda ba zai taba cika shiba face ya zama sarkin misra
bayan sarki ya sallami yan majalisa sai yasa aka shirya masa doki da guzuri amma sai bawan dake wannan aiki ya sanar dashi cewa guzurin fa ba zai isheshi ba har ya isa birnin Askandariyya
kafin bawan ya gama rufe bakinsa saiga manzo daga gidan Galadima janye da wata doguwar taguwa akan taguwar kuwa guzurin tafiya ne mai yawa ga sarki Sahibul hairi
yayinda sarki yaga wannan sako sai ya cika da tsananin farin ciki kuma yaji cewa kaunar Aminul has ta karu a zuciyarsa ainun nan take yayi alkawari a zuciyarsa cewa randa duk bukatarsa ta biya sai ya maishe da galadima waziri kuma zai bashi dukiya mai tarin yawa da bazasu iya cinyeta ba har zuwa karshen rayuwarsu
bayan an gama kimtsa taguwar sarki da guzurinsa sai ya umarci wani bakin bawa nasa mai suna HALUF daya shirya suyi wannan tafiya tare cikin murna da zumudi Haluf yaje ya kimtsa koda fitowarsa sai ya iske yayi shigar yaki mai tsananin kwarjini da ban tsoro gaba daya shigar bakaken kaya sarki yayi sannan ya sanya bakin sulke da bakaken takalma dogaye na fata iya gwuiwa hatta kufen takobinsa da garkuwarsa ma bakakene fuskarsa ya rufeta ruf da bakin rawani ba aganin komai face idanunsa nan take sarki da haluf suka fito daga cikin gida
sarki ya hau taguwa shi kuwa bawa haluf yahau doki ba tare da bata lokaci ba suka kama hanya suka bar cikin birnin misra A wannan lokaci kuwa rana na gaf da faduwa domin gari ya soma duhu haka dai sarki da bawa haluf sukaci gaba da tafiya harsuka nausa cikin dokar daji
basu gusheba suna tafiya har saida sukaga duhu yayi sosai sannan suka yada zango a bakin wata bishiyar dabino cikin gaggawa bawa haluf ya kafawa sarki tanti sannan yayi masa shimfida a cikin tantin ya kunna masa fitila
koda gama wannan shiri sai ya mike tsaye da nufin ya fita daga cikin tantin sarki Sahibul hairi ya kira sunansa yana mai cewa
Ina zaka ya Haluf??
Bawa haluf yace ya shugabana ai zan fita wajan tantin nanne natsaya don na tabbatar da tsaro kada wani mugun abu ya sumamemu....
Zan dakata anan saikuma Allah yakaimu gobe zamu cigaba.
